BLOGGER TEMPLATES AND TWITTER BACKGROUNDS »

Jan 3, 2010

الناس ونظراتهم لنا



الناس ونظراتهم لنا




والله ملينا من الناس والاوادم الى مو فاهمين
للاسف احنا عايشيين بمجتمع يعلق على غييره ولا يشووف نفسه
ياخى ليه متى نعيش جذى
ليش كل ما نروح بمكان يطالعونه من فوق لي تحت جنه احنا مخلوقات فضائية ولا مجرمين !!
ان دشينا المرينا ولا الافنيووز ولا شرق !! لحقونا هالمصبنة وقعدو يعلقون !!!! ويخزون يعني وين نرووح!! قعدنا بكافيه من هالكافيهات الحلوة هم ماكو فايدة حش وخز
ان طولنا شعورنا مو عاجبهم وان قصرنا مو عاجبهم ان لبسنا لبس عادي جينزات وتيشرتات قالوا مسترجلات وان لبسنا لبس بنات تطنزوا وقالوا وييييييع مو لايق
واللي ينفس عليك لي رحت مكان ولا تبي شغله ولا معامله ولا مراجعة اي مكان واللي يسرح بأخلاق أخلاقي واللي بالاشارة كلهم يطالعون !! خير يبا شالسالفة عسى ما شرشصاير؟؟ما ادري
شنو نسوي يعني وشالحل والله لاعت جبدي
مجتمعنا الشرقي انا افعل اوكي الناس تفعل لا و لماذا و كيف وويع و قطيعة و مو متربية و كلااااااااااااااااااااااااااام وايد مجتمعنا مشكلته كبيرهالمجتمع العربي كالجمل يطالع حدبة غيره
برا الكويت وتحديدا الدول الاوروبيه
البويه او اليز عندهم حالها حال اي شخص عايش بالدنيا يعاملووونك احسن معامله بس عندنا بالعرب كل بعيينه اهووا تووب وتلقونه اهوا زباله تكرمون لمن تصير هالمواقف معاي .. قمت اقول بيني و بين روحي " من سكت عن سفيه نجـا " .. و طبعا الحقران يقطع المصران ,,
مع انه مو دايما يكون الحل لأن في نوعيه من الشباب لازم تسكتهم وتفشلهم .. مثل ما اسوي دايما او ساعات اطنشهم ابمزاجى و انا اعتقد انهم محترين .. لو ماكانو محترين جان ما ارتفع ضغطهم و شاشو و سوو الي سوه و هذا كله لأن لان حظهم هاليومين طااااايح حده و كل البنات الزوووغات يبون بويات واليزبيان ملو من تعامل الشباب لهم و محد يبي شباب عشان جذى يضايقون البويات من القهر اللي فيهم البنات مايعطونهم ويه
نــــظـــرات الناس .. كلامهم ويع .. المشكله ان احيانا يجرحووون بالحجي .. يعني مو مهم لمن يقولون بويه او غيره .. بس يبطون الجبد لمن يقولون : اهلكم ماربوكم .. شكو اهلنا بالموضوع .. و لا لمن يقولون ابهاتكم وينهم عنكم .. اظن هالكلام يجرح الكل ..كل الناس جذي يفكرون ان الاهل اهما اساس كل شي يصير وهذيلي الصراحه متخلفين و محد يقدر يقول عكس جذي ..و احيانا كلام الناس او نظراتهم تسبب احراج للي معاكم ..
الحين السؤال : لي متى محد يحس بهالمعاناه .. و لي متى الاغلبيه ضدنا ؟ تطور العلم و الطب ما فادنا .. لأن الي يسمعون ما يصدقون و لا بعد في منهم يطنزون .. و الي يقرون .. ينكرون .. و يكذبون الي مكتوب او يفسرون على راحتهم و مزاجهم .. و الي و الي .. و اختلفت الاراء من شخص للثاني
وانا عن نفسي ما اهتم براي احد انا اعرف نفسي وادري انا ليش جذي
وترى أرضاء الناس غايه لاتدرك انا ارضي نفسي حتى لو الكل ضدي
اذا مايعجبهم كلهم طاف
اذا انا مقتنع بالشي حتى الدنيا كلها ماتقدر تغيرني عن الشي اللي انا ابيه مدام انته عاجبتك حالتك و مستانس فمالك شغل باي احد يكلمك
يطقون راسهم بالطوفه مع نصايحهم وكلامهم ماراح يهزنى مااهتم طاف وانا كيفى هذى حياتى مو حياتهم
يعني الناس مالها شغل حتى لو شتسوين مدام اهلج راضين خلاص هذا اهم شي.. هذي حرية شخصيه
just be who you are


6 comments:

الدانة said...

مساج الله بالخير توم بوي ..
زين فتحي الكومينت . صدقتي بكلامج , دايما في بلوك بيننا وبين الاخرين وهذا اللي يدخلنا دهاليز الوحدة ..
واشكرج وايد على متابعتج بلوقي
تمنالج سنة حلوة وكل عام وانتي بخير
تحياتي لج
الدانة

العنقاء said...

hi tom boy

أنا مع الحرية الشخصية التامة لأي شخص
في اختيار ما يريد
وما يمتعه فعلا أو يرضيه في الحياة
أومن أن لكل شخص حقه
وليس من حق اي مخلوق التدخل
لكنها مجتمعاتنا العربية التي تسلب منا كل الحقوق
وبالذات ليس عندها أي احترام لفكرة الخصوصية أو الحرية الشخصية

دائما الاختلاف يولد مشاعر غريبة وعنيفة في بعض الأحيان
بعض التحرشات التي تتعرضين لها
بسبب شعور الغير باختلافك عنهم
وهذا يصيبهم بالغيظ في الواقع

لا ادري انا حقا أتمنى الهجرة والحياة في مجتمعات اخرى أكثر احتراما وتقديرا
تحياتي

Newrise7 said...

مسالخير توم بوي...
الصراحه انا حابه اشكرك على طرحك للموضوع بكل بساطه وتغطيته من كافة جوانبه لكن حابه احكيلك انه المجتمع العربي مجتمع متخلف مهما تطور ومهما صار فيه تفتح يبقى منغلق على نفسه مثل الجني بالقمقم الي يخاف يطالع النور ويبيه يعني همه حطونا مثل ما يقول المثل صحيح لا تقسم ومقسوم لا تاكل وكل لا تشبع يعني ينادو باسم الحرية والديمقراطية وبنفس الوقت يبوها مثل ما يريدون والحل الامثل انك تكونين مثل ماانتي وما لك شغل باللي حواليكي ينفلقو بالاخر راح يتقبلو لانه احنا ما نعمل شي غلط ولا عيب كل الي نسويه هو انا احنا نتصرف مثل ما احنا على طبيعتنا وطبعا هاذ الشي ما يعجبهم وارضاء الناس غاية لا تدرك وامضي وانا معاك ان شالله وتقبليني صديقة لك

Anonymous said...

Hi
I know that this an old post and all ... But I just recently stumbled apon ur blog ... I read a few if ur topics and agreed with almost all of them :) ... But injust had to post a comment since this topic kind off Hitt me close to home ... I know exactly how u feel ... In a been there din that sort of way ... And ur right we can never please otheres no matter what we do ... And I also came to the conclusion that my opinion and comfort is what matters the most ... 'cause at the end of the day it's my life ... I'm the one whose gonna have to face it head on and put up with it ... So might as well make my life journy my own ... But to be fair ... It's not just a bumpy road I am blessed with a few prevlages here and there that others might not have ...
All I'm saying is .. We just have to work with what we've got and make the most of it ...
Take care
and keep posting ;)


Sara ~

Anonymous said...

Hi
I know that this an old post and all ... But I just recently stumbled apon ur blog ... I read a few if ur topics and agreed with almost all of them :) ... But injust had to post a comment since this topic kind off Hitt me close to home ... I know exactly how u feel ... In a been there din that sort of way ... And ur right we can never please otheres no matter what we do ... And I also came to the conclusion that my opinion and comfort is what matters the most ... 'cause at the end of the day it's my life ... I'm the one whose gonna have to face it head on and put up with it ... So might as well make my life journy my own ... But to be fair ... It's not just a bumpy road I am blessed with a few prevlages here and there that others might not have ...
All I'm saying is .. We just have to work with what we've got and make the most of it ...
Take care
and keep posting ;)


Sara~

Anonymous said...

اهلا صباح الخير توم بوي قريت تقريبا كل اللي في مدونتك طرحك كان شيق للمواضيع اول مره اعرف عن الحب الافلاطوني بس دورت عنه مالقيت القصه كامله بالانترنت باي ذا وي انا خلود 21 عملتلك اضافه من هاذا الايميل kh18love@hotmail.comاتمنى اتعرف عليك